20w4d - 第一次明顯胎動

早上不舒服, 沒有上班. 睡在床上, 右面肚子突然有點郁動. 放上暖暖的手掌, 媽媽我終於確切感受到囡囡的胎動啦 ^v^

爸爸真好運, 還在我旁邊換衫, 我馬上叫他把手掌放在我肚上, 但我心想, 應該沒那麼好運, 咁快又再動吧. 結果囡囡很乖, 馬上給爸爸的暖暖手掌回應, 讓他也明顯感受到了 ^^ 爸爸雖然沒有很大反應, 但看到他臉上驚喜的神情, 這感覺很幸福 ^o^ 

個傻佬將自己換左自己部腦嘅wallpaper 做肥肥白白嘅小BB. 真係唔知好嬲定好笑, 唔係應該俾大肚果個對多啲咩, 點會係個男人自己望架~~~ 佢就話, 就係俾你望多D我個mon 囉~~ 夾硬嚟嘅 =.=

20w2d - 照結構

等等等, 終於等到今日照結構了

我幫襯嘅係: 王紹宏醫生, 由黃建新醫生refer 的. 網上睇過評價唔錯, 就冇諗咁多直接搵佢喇.
要book 都要早喎, 我諗至少要早一個月book 定就穩陣約到星期六喇. 就算我地準時到, 都等左差唔多一個鐘先有得睇. 睇完, 又等左至少半個鐘先有得拎報告, 等到人都癲, 我唔理咁多, 好肚餓未食飯, 同姑娘講落去食完飯先上返嚟拎. 大家都可以咁架, 唔使淨坐喺度咁悶.

之前都幾緊張, 雖然覺得應該唔會有嘢, 但始終都會擔心, 如果一個唔好彩咁點算
好好好彩, 好感恩, 一切順利, 囡囡仲好合作, 醫生好易乜都照晒, 成個過程好smooth, 用左15-20分鐘就搞掂喇 :-)
成個過程王醫生都唔算勁talkative 乜都同你講嘅, 有時係略略講下咁, 但佢態度都好嘅, 問佢乜都會答, 所以我都有問佢一啲基本最concern 嘅嘢, 十隻手指腳指係咪齊呀, 所有器官齊嗎正常嗎, 有冇兔唇呀, etc etc. 佢都好有耐性答. 乜都問齊之後, 就同佢confirm BB係咪囡囡呀, 佢就照囡囡嘅potty shot 俾我睇, 阿囡每次都腿張開好合作架喎 haha. 好嘢, 乜都confirm 晒就可以開始睇定啲嘢, 過多一兩個月就買得嘢喇~~ 

Hello World! 

王醫生好識做架, 如果影到BB 正面, 佢會轉做4D 俾你睇清楚佢個樣. 我諗每個父母除左想知BB是否健康外, 另外最想就係睇下佢咩樣喇~~ 

最後可以拎走返屋企嘅就係好多張3D, 4D 相, 同埋一份英文報告話你知佢頭圍/ 手臂長度/ 腿骨長度等等有幾大, 是否和BB 嘅age 吻合. 我個囡乜都fit , 但手腳都短左幾日 T___T 走左之後係咁喺度煩老公問佢點算呀, 唔係手長腳長, 唔通似我 :-( 佢冇我咁好氣~~~ 哈哈

繁忙的二、三月: chankai, gz 拎衫, GLC, 祥興...

呢期好忙, 為公為私都忙....

公事: 轉新老細, 人事變動, take up 左新野做, 忙左好多

私事: 為奶奶換樓, 大家將來會搬埋同一個區, 而家係first step. 買賣樓& 搬屋實係多野搞......不過買到心頭好都係好事嚟嘅!

點都好, 略略打返過去兩個月做左d 乜先... 大家有咩都可以問我, 我好樂意分享自己經歷架 :) 只不過唔係成日得閒check 呢度 :p

Feb 6: visit ceremony venue - an alfresco bar & restaurant
not yet confirmed, in negotiation, but we like the venue very much~

Feb 26: visit Chankai videography
之前喺中同婚禮度睇到佢嘅same day edit video, 覺得style & 效果都好好, 所以搵佢quote & 上左佢觀塘嘅studio 度見個面.
佢只做video, 冇影相的. 亦做pre-wedding video/ 求婚, etc
因budget 關係 & 本身我個攝影師partner 果個videog 其實都唔錯, 所以最後決定都係用返自己果個, 慳返幾千蚊~~ 但overall 我覺得佢係ok ga, 雖然佢個人嘅style 唔係勁搞笑搞氣氛果隻, 但都nice ga.

Feb: start DIY video - had a plot already
未來夫君話要自己整成長片段video, 仲喺工聯會報名學左video software tim
而家段影片嘅故事大網出左了, 嚟緊慢慢整......

Mar 2: meeting with Chris (photographer)
佢係我地big day + pre-wedding photog, 約出來討論下澳門 pre-wedding 流程同埋睇下佢最近幫人影嘅相
我地都做晒功課show 俾佢睇我地覺得影得靚嘅相
哎呀不過我唔知當日著幾多套晚裝好呀~~~ 現有: 1 WG 1 EG, 好唔好加多套 EG 呢..........

Mar 2: 逸東軒 落大訂

Mar 9-10: go GZ to take gowns & buy accessories - done
拿了: 2 WG, 1 EG, 頭紗, 首飾for 自己& 媽媽們

Mar 11: pre-wedding make up trial - MUA: Apple
搞掂左. 佢好nice, 7點半開始試完粧+傾當日流程, 搞到11點先走 =.=
macau pre-wedding make up 包全日, 唔會話限定得8個鐘, 我正正係要呢種, 唔使話限住時間, 當然唔會留佢到勁夜啦, 我都頂唔順
包頭飾, 首飾, 收費合理
技巧不錯, 有6-7年化粧經驗, 有個地舖喺尖沙咀地下商場近加連威老道

Mar: book 箂斯酒店-套房
直接打去酒店book, 淨返套房. 包兩份早餐, $2750 已包稅

Mar 13: 買girdle @ GLC
買左個九個骨girdle, 包腰真係靚d. $5xx

Mar 16: 祥興造男禮 for pre-wedding
11點前去到已經有3個人造緊, 前後等左成粒鐘先搞掂... 遲d 到真係人山人海..........
未來夫君做左圓領, 1個禮拜已經打來話可以再去fit 身了
$998 一套, 希望效果好啦!

暫時咁多先~~~ 呢兩個月真係做左好多野呀呀呀^^

廣州婚紗街2日1夜之分享 - 買左2WG, 2EG!!

喺12/28-29 號同BF 上左廣州婚紗街買gowns for pre-wedding用. 等我同大家share 下少少心得同埋戰利品先

交通
我承認我係懶, 貪方便 >.<  有少少白痴咁選擇坐直通車上去, 買完飛先覺得... 好貴呀!!! >_<
兩條友來回加埋要 $760 T_T 不過真係好方便囉, 唔使坐由紅磡去羅湖果程...我怕有好多內地同胞呀嘛
不過我會向現實低頭架喇, 下次上去一定會去深圳坐和諧號. 計過兩個人可慳 $160!!

酒店
同好多人一樣, 我地都係揀天一酒店, 地點真係好方便, 房價又平. 行得攰可以隨時上返去休息. 我地仲貪得意用貴多一舊水住間靚D 嘅房, 但其實根本不用upgrade!! 只係間房大好多, 完全唔靚的, 舊, 個TV 壞壞地, D 毛巾睇落唔算好乾淨...如果有潔癖的sis 最好自備埋毛巾喇
仲有, 請自備沖涼用品, 因為佢只提供一支三合一俾你由頭洗落腳......

準備功夫
我唔詳述有咩地方行同埋點去喇, 求其google search 廣州婚紗街都有好多reference. 而我係bookmark 左呢幾個blog , print 出來帶去嘅, 俾大家參考下
http://blog.yahoo.com/_XT5ANOIXL5MHLYZR3A44JWSMNI/articles/1076141/index
http://www.patrickho.com/travel/GuangZhou2007/index.jsp
http://blog.yahoo.com/_XT5ANOIXL5MHLYZR3A44JWSMNI/articles/1076415

溫馨提示!! (重要)- 著易除嘅鞋, 好緊要, 因為喺商場內嘅舖通常要你除鞋先可以入去. 就算係街邊那些小店, 喺試身室都會要你除鞋, 免踩污糟佢啲衫. 著對唔怕整污糟嘅襪啦, 除左鞋後你應該唔會想著佢對拖鞋, 我有自己帶定酒店嘅紙拖鞋去, 但嫌煩冇拎過出來.
- 著易除嘅衫褲, for 試身
- 著定girdle, nubra (如有需要), 束腰褲 (如有需要)
我覺得最少最好著定girdle la~ 試身後可以睇到最理想嘅效果嘛. 我自己就著住girdle + 束腰褲去行
- 太多店, 好難記邊條裙打邊條裙. 問店主拎咭片, 借埋支筆寫低幾錢, 咩野款, 地點喺邊, 如果落實買隨時可以返去
- 長髮嘅帶定橡筋or 紥起啦, 方便試衫
- 講價! 我唔敢話可以講到好多, 但e.g. for 一件開價千幾二千蚊咁多嘅gown 嚟講, 講到10%至少... 我唔係講價高手, 只講到咁多咋, 可能其他sis 比我勁得多
- 呢樣野好緊要: 如果可以, 盡量搵平日去! 早上行都有著數!
有 啲喺街邊的店主同我講, 如果星期六日去, 佢地根本唔會肯減價俾我, 因為人太多了, 連試衫都要排隊, that means 佢地不愁生意, 加上喺其他客面前, 我諗佢都唔會好意思減價比我, 廢事個個客都爭住要講價. 所以最好喺平日靜英英果陣買, 就可以講到最多. 我就因為咁, 由2千蚊人仔講到1800蚊. 唔知算唔算多, 可能唔算勁, 但我盡左最大努力講到咁, 就算
另外一間, 我一朝早行, 佢好想開單做我當日第一單生意, so 主動減價, 由45X減到418, 我再叫價減到400 都唔俾了, 我又係算喇~~~

戰利品1. Big Day Wedding Gown
喺橫街小巷左穿右插, 行入呢間小店. 見到呢條覺得靚, 試上身, 好鍾意, 好顯瘦, 質地好, cutting & 紗嘅質地同我喺中環婚紗舖試過的質素只係爭少少.....著上身後唔捨得除落嚟, 我就知係佢喇
原本我係完全冇諗過喺GZ 度買big day嘅婚紗架!! 之前已經喺不同婚紗舖落左deposit, 一心諗住喺HK 租, 但望住鏡, 覺得呢條好似比所有我喺HK 試過嘅款還要啱心水! 我嘅條件係: A-LINE or mermaid, 顯瘦, 有LACE, 款式最好有少少特別, 不過冇都冇關係, 因為大部分人好似都唔會好留意婚紗係點, 除非超級靚/ 名貴/ 特別OR另類, 我自己就係咁, 我只會識分: 靚/ OK/ 唔靚.
喺HK, 我試左好多條都唔啱, 有條啱嘅, 喺中環, 但好貴, 淨租要$4500. 而呢條幾錢?? 標價1600人仔, 講價10%, 即係1500人仔唔使! 喺HK, given 差唔多質素的, 租唔止呢個價. 我買嘅話仲可以拎去影pre-wedding tim. 我會影兩輯, 有輯喺酒店內影室內景, 唔使怕dirty, 呢條fit 晒.
我真係喺間舖度諗左好耐, 因為計返係HKD 1700架, 我係咪真係要喺冇心理準備下使呢筆錢?! 最後, 想返起之前喺HK 試過嘅WG, 諗返真係冇一條令我覺得有同樣嘅性價比, 如果買我可以喺pre-wedding用埋, 加上呢條喺GZ 嚟講真係算貴, 我相信質素應該有返咁上下, 仲幫我度身訂造, 我like 心型胸-可改, 我想條ribbon改為活動式-可改, 我想胸上面的lace 改落啲-又得......總之想點改都得. 所以就扑鎚喇!!!
右上掛著那條
睇返都係好鍾意, 冇做錯決定~ :)
佢可以寄條裙俾我, 但我想再嚟fit 多次, 有咩要改嘅可以叫佢即刻做. 其實1個月到應該有得拎架喇, 但我唔使住, 約佢3月頭先嚟
2. 另外又買左條紅色喱士小魚尾EG for 影相用, 款式同#3 好似......
兩樣野加埋total 人仔2060, 我講到1800
3. 粗著的WG for pre-wedding
第二朝早見到自己的favourite: 喱士小魚尾WG, 又係好鍾意. 呢條係平價的, 開價人仔45X, 諗諗下要買返條for pre-wedding 上山下海著. 買完先醒起之前買的#2 好似 T^T 超白痴....我俾太多裙搞到亂晒...... 好在我影兩輯, 分開著吧.........
唔好意思影得唔清楚, 俾左錢走左之後先醒起, 返轉頭影呢張相... 所以冇擺喺個model 公仔上面, 如果喺公仔上會係咁:
source: http://blog.yahoo.com/miss_c/articles/1076415/index
3. 一條買完後悔的EG...
最後, 好趕時間咁求其買左條紫色EG for 影相用...size quite fit, 有少少改動, 店家帶我去一間舖頭度改埋, 只係人仔8蚊.
但買完返來覺得唔鍾意 >_< 應該唔會用架喇...... 好嘥錢 /_\ 又係俾啲裙呀時間呀搞到個人亂晒....好在只係248 人仔.
雖然唔鍾意, 都post 出來俾大家睇下laaa. 如有興趣, 如size 差不多的話 (高大), 我平讓俾你.
3月頭再上去拎gowns, 到時應該會買埋唔同嘅喜慶用品~~ 再share laaa

photo sharing: 證婚地點 Sheraton 4/F Ching Terrace

尋日出席同事證婚, 喺Sheraton Hotel 嘅 4/F Ching Terrace
因為呢個場唔係有太多reference 相, so take 左俾大家睇下

outdoor

都幾靚架
樓上房間會有住客8卦望落嚟, 我覺得都冇問題嘅, 完全騷擾唔到我地~

唔知呢部泡泡機係場地包定新人自己準備...相信係自己嘅多...

張相係由indoor 一間function room 影出來的, 有幾張企喺度嘅枱俾大家飲下食下野, 仲有個projector 俾新人播下相... size 唔算大, 但都ok gei~~

價錢方面都唔清楚了, 大家可以send email 俾酒店宴會部問, 佢地好快覆的~~

K.O. 龍鳳鈪

好耐冇寫喇... 太懶+忙了 =.=
要追寫返好多野...有好多野想為自己mark 低, 同一眾sis 分享... 等我逐一慢慢清先

今次講... 龍鳳鈪
11月尾時我要去德國biz trip, 去之前, 見金價從最低位 16500 一路係咁升. 為免怕佢升返曾經19000最高位, 我同媽咪決定拿拿聲去買對鈪先
事後發現呢個決定蝕本了, 因為而家金價回落左, 嗚!! T_T 不過, 又冇得咁計嘅, u never know!

同媽咪已經行過好幾間大牌子, 發現啲款式, 似乎係周大福做得最"抵" - 佢地能夠以相同嘅重量, 做到最薄最濶身, 睇起上嚟最大隻~~ 其次就六福, 最後先周生生... 我自己覺得啦~

我地亦都睇過下啲細舖, 手工價錢真係好平呀, 例如有間喺新都城裏面嘅, 全港有2-3間分店, 手工只收around $80-100一隻鈪! 相比喺大牌子買要幾舊水至成千蚊一隻, 爭好多呀~~~ /_\

我同同事講咁嘅事啦, 佢地話我都傻嘅, 你點知呢D 細舖D 金有冇'侵'D 咩野入去呀~ 仲有呀, touchwood第時有咩事, 要賣返D 金出去, 大牌子嘅有保證好多, 會易賣D 架

當然我唔諗住要賣返D 金出去啦, 但覺得佢地咁講都有道理嘅.... 算喇, 買幾萬蚊嘢, 大牌子係穩陣D.

想喺出trip 前搞掂呢件事, 喺11/20 晚同媽咪出TST, 左揀右揀下, 都係最鍾意第一次喺新都城行街時睇到嘅呢個款:

媽咪同我都最like 呢個款 ^^ 我鍾意傳統, 有龍有鳳, 雕花靚不落俗套. 鍾意令身not 磨砂, 影相好睇D~
每隻不足一兩但同其他店的一兩多差唔多濶, 以相樣重量嚟講成間舖最大隻係佢, 好得體~
周大福做緊SALE, 手工六折, 原價好似8百幾9百一隻手工, 超貴!!! 而家慳左差唔多7-8百, 唔係好記得 :P
喺金價 176XX時買, 雖然貴左, 但唔緊要啦, 買得心頭好+和媽咪enjoy 成個過程!! ^^ 真係好多謝媽咪, 佢好錫我, 成日想買大隻啲嘅俾我, 係我覺得佢too much, 叫住佢唔好! >w<

因為兩邊屋企都唔係有好多金器, 而我又唔係咁想租, 諗緊遲啲可能會自己買多對耳環, 豬牌 (老土但我超鍾意!! :P ), maybe 多一對細D 嘅鈪......雖然會使多好多錢, 但買左返嚟for 將來俾仔女, 實用得著. 未confirm係點, 買幾多, 等big day前一兩個月再算啦! 

證婚律師 confirmed - 劉啟興律師

好耐冇update 咯.....其實呢輪我默默做左好多wedding preparation, 不過冇時間update, 因為忙於奔走呀~~
- 11月中去左一個禮拜德國出trip
- 11月尾去左四日大陸出trip
雖則係咁, 我in between 都好勤力架, 勁刨不同bloggers 嘅資訊, 好想盡快confirm MUA!!!!!
但, 下一篇先講MUA 啦, 而家講返證婚律師呢part 先

上回講到contact 左兩位律師都唔啱, 咁我就繼續搵啦.......
[以下分享, 純粹個人感受, 如有得罪任何律師之處, 請唔好介意呀 >w<]
排名不分先後:

岑漢和律師
- 極受歡迎的證婚律師之一, 相信不用多講他的證婚質素
- 賣點是可以揀 "教堂證婚模式"
收費: HK$3800(律師費) + HK$305(政府登記費) (可選擇婚姻登記處或教堂證婚模式)
http://shumhonwo.blogspot.com/
呢度有晒佢package 嘅資料, 包d 乜
感 想: 我打俾佢, 佢唔係度, 類似秘書接電話, 問我想要嘅期同埋聯絡電話, 隔左冇幾耐佢就 call back 了, turns out 佢果日喺我嘅之前和之後嘅時段都已經被book 了! 即係話, 想撲都撲唔到過黎做我呢場... even 係咁, 佢都親自打俾我同我講, 加上佢把聲幾溫柔同埋聽落幾可靠. 我覺得佢真係幾ok 咁呀. 果然係人氣證婚律師之一! 如此風評加上比較合理嘅價錢, 我會推薦佢~~ :)

何廣榮律師
感 想: 一樣, 都係打上去問佢個期. 不過佢冇親自覆我, 搵左個assistant 覆. 個assistant 講野好似有少少粗魯.....最搞笑係佢同我講佢地唔包戒指枕和簽名筆, 何律師話呢d 野喺金都買百零蚊就有 @@" 我答... 哦... ok....... 唔知可以俾咩反應~~
唔記得幾錢咯, 因為同時間劉律師覆我有期, so 直接揀左後者. 我記得係貴過劉律師的

劉啟興律師
知佢有期, 但都專登打上去同佢傾陣計, 聽下佢講野係點
認識佢係因為上年年尾有個好姊妹證婚搵左佢
果時覺得, 雖然佢唔係話會搞咩氣氛, 講d 咩特別嘅嘢
就係正正常常咁. 不過我記得佢感覺係好nice, 好好人, 好好笑容, 把聲好親切咁
之後睇返有網友嘅blog highlight 左呢點 - 好笑容, 令我覺得更like 佢喇, 原來佢唔止係果場證婚先係咁.
我最想就係每個人喺當日開開心心, 喜慶, 唔使講太多其他野都得. 所以佢啱晒我啦
加上佢價錢屬於比較低, 更fit 啦~~!!
收費: $3,400 已包括政府收費, 包戒指枕和羽毛筆

好野!! 又搞掂一樣野!!! ^o^