photo sharing: 證婚地點 Sheraton 4/F Ching Terrace

尋日出席同事證婚, 喺Sheraton Hotel 嘅 4/F Ching Terrace
因為呢個場唔係有太多reference 相, so take 左俾大家睇下

outdoor

都幾靚架
樓上房間會有住客8卦望落嚟, 我覺得都冇問題嘅, 完全騷擾唔到我地~

唔知呢部泡泡機係場地包定新人自己準備...相信係自己嘅多...

張相係由indoor 一間function room 影出來的, 有幾張企喺度嘅枱俾大家飲下食下野, 仲有個projector 俾新人播下相... size 唔算大, 但都ok gei~~

價錢方面都唔清楚了, 大家可以send email 俾酒店宴會部問, 佢地好快覆的~~

K.O. 龍鳳鈪

好耐冇寫喇... 太懶+忙了 =.=
要追寫返好多野...有好多野想為自己mark 低, 同一眾sis 分享... 等我逐一慢慢清先

今次講... 龍鳳鈪
11月尾時我要去德國biz trip, 去之前, 見金價從最低位 16500 一路係咁升. 為免怕佢升返曾經19000最高位, 我同媽咪決定拿拿聲去買對鈪先
事後發現呢個決定蝕本了, 因為而家金價回落左, 嗚!! T_T 不過, 又冇得咁計嘅, u never know!

同媽咪已經行過好幾間大牌子, 發現啲款式, 似乎係周大福做得最"抵" - 佢地能夠以相同嘅重量, 做到最薄最濶身, 睇起上嚟最大隻~~ 其次就六福, 最後先周生生... 我自己覺得啦~

我地亦都睇過下啲細舖, 手工價錢真係好平呀, 例如有間喺新都城裏面嘅, 全港有2-3間分店, 手工只收around $80-100一隻鈪! 相比喺大牌子買要幾舊水至成千蚊一隻, 爭好多呀~~~ /_\

我同同事講咁嘅事啦, 佢地話我都傻嘅, 你點知呢D 細舖D 金有冇'侵'D 咩野入去呀~ 仲有呀, touchwood第時有咩事, 要賣返D 金出去, 大牌子嘅有保證好多, 會易賣D 架

當然我唔諗住要賣返D 金出去啦, 但覺得佢地咁講都有道理嘅.... 算喇, 買幾萬蚊嘢, 大牌子係穩陣D.

想喺出trip 前搞掂呢件事, 喺11/20 晚同媽咪出TST, 左揀右揀下, 都係最鍾意第一次喺新都城行街時睇到嘅呢個款:

媽咪同我都最like 呢個款 ^^ 我鍾意傳統, 有龍有鳳, 雕花靚不落俗套. 鍾意令身not 磨砂, 影相好睇D~
每隻不足一兩但同其他店的一兩多差唔多濶, 以相樣重量嚟講成間舖最大隻係佢, 好得體~
周大福做緊SALE, 手工六折, 原價好似8百幾9百一隻手工, 超貴!!! 而家慳左差唔多7-8百, 唔係好記得 :P
喺金價 176XX時買, 雖然貴左, 但唔緊要啦, 買得心頭好+和媽咪enjoy 成個過程!! ^^ 真係好多謝媽咪, 佢好錫我, 成日想買大隻啲嘅俾我, 係我覺得佢too much, 叫住佢唔好! >w<

因為兩邊屋企都唔係有好多金器, 而我又唔係咁想租, 諗緊遲啲可能會自己買多對耳環, 豬牌 (老土但我超鍾意!! :P ), maybe 多一對細D 嘅鈪......雖然會使多好多錢, 但買左返嚟for 將來俾仔女, 實用得著. 未confirm係點, 買幾多, 等big day前一兩個月再算啦! 

證婚律師 confirmed - 劉啟興律師

好耐冇update 咯.....其實呢輪我默默做左好多wedding preparation, 不過冇時間update, 因為忙於奔走呀~~
- 11月中去左一個禮拜德國出trip
- 11月尾去左四日大陸出trip
雖則係咁, 我in between 都好勤力架, 勁刨不同bloggers 嘅資訊, 好想盡快confirm MUA!!!!!
但, 下一篇先講MUA 啦, 而家講返證婚律師呢part 先

上回講到contact 左兩位律師都唔啱, 咁我就繼續搵啦.......
[以下分享, 純粹個人感受, 如有得罪任何律師之處, 請唔好介意呀 >w<]
排名不分先後:

岑漢和律師
- 極受歡迎的證婚律師之一, 相信不用多講他的證婚質素
- 賣點是可以揀 "教堂證婚模式"
收費: HK$3800(律師費) + HK$305(政府登記費) (可選擇婚姻登記處或教堂證婚模式)
http://shumhonwo.blogspot.com/
呢度有晒佢package 嘅資料, 包d 乜
感 想: 我打俾佢, 佢唔係度, 類似秘書接電話, 問我想要嘅期同埋聯絡電話, 隔左冇幾耐佢就 call back 了, turns out 佢果日喺我嘅之前和之後嘅時段都已經被book 了! 即係話, 想撲都撲唔到過黎做我呢場... even 係咁, 佢都親自打俾我同我講, 加上佢把聲幾溫柔同埋聽落幾可靠. 我覺得佢真係幾ok 咁呀. 果然係人氣證婚律師之一! 如此風評加上比較合理嘅價錢, 我會推薦佢~~ :)

何廣榮律師
感 想: 一樣, 都係打上去問佢個期. 不過佢冇親自覆我, 搵左個assistant 覆. 個assistant 講野好似有少少粗魯.....最搞笑係佢同我講佢地唔包戒指枕和簽名筆, 何律師話呢d 野喺金都買百零蚊就有 @@" 我答... 哦... ok....... 唔知可以俾咩反應~~
唔記得幾錢咯, 因為同時間劉律師覆我有期, so 直接揀左後者. 我記得係貴過劉律師的

劉啟興律師
知佢有期, 但都專登打上去同佢傾陣計, 聽下佢講野係點
認識佢係因為上年年尾有個好姊妹證婚搵左佢
果時覺得, 雖然佢唔係話會搞咩氣氛, 講d 咩特別嘅嘢
就係正正常常咁. 不過我記得佢感覺係好nice, 好好人, 好好笑容, 把聲好親切咁
之後睇返有網友嘅blog highlight 左呢點 - 好笑容, 令我覺得更like 佢喇, 原來佢唔止係果場證婚先係咁.
我最想就係每個人喺當日開開心心, 喜慶, 唔使講太多其他野都得. 所以佢啱晒我啦
加上佢價錢屬於比較低, 更fit 啦~~!!
收費: $3,400 已包括政府收費, 包戒指枕和羽毛筆

好野!! 又搞掂一樣野!!! ^o^

記著您的好 - 2012.11.05

星期五晚出trip, 去德國一整個星期
本來你已約好朋友在星期五晚吃飯, 已經推過一次了
昨晚我說, 哎呀...仲以為你可以來送我機tim...
你問朋友改期得唔得, 佢好忙, 要再約的話就係成個月後的事咯
今日你說, 覺得上次已經推左次, 有點不好意思, 但又想陪我...
我真心地說, 不要緊, 我會學習understanding 和independent 的. 如果最後你選擇不來, 我真的不會嬲.
你考慮左一陣, 最後決定還是送我去機場, 延後同朋友的飯局了

感動, 不用孤單上路的感覺多好... 多謝您 <3

資料搜集: 證婚律師

做緊呢方面嘅資料搜集......經過不斷網上睇不同的blog + 問朋友意見, shortlist 左以下嘅選擇......不過我仲未confirm 到, 仲比較緊, 一有新資料返就會update 呢度, 希望俾到大家作參考:

Note: 我詢問的是2013年12月

[以下分享, 純粹個人感受, 如有得罪任何律師之處, 請唔好介意呀 >w<]

排名不分先後:

Anthony Lam 林志達律師
- 借出簽名筆、結婚証書簽名冊及介指枕
- 安排45分鐘for 新人, 另外會盡量提前大約30分鐘前到達場地, 同兄弟姊妹夾下
- 會擔任半司儀服務 (意思是叫我交晒個場俾佢)
收費為港幣5,500元+305 = 全包價 $5,805
Tel: 2523-8061/ 3607-2600
Mobile: 9121-9822
Email: anthonylam@mklam.com
感 想: 喺婚嫁界好出名...好多人稱他為no.1 證婚律師. 有誠意, 問我拎左電話後, 冇幾耐就打俾我, 然後同我brief 左好耐. 佢講嘢好快, 好有自信, 亦提及好多佢做證婚律師呢方面嘅經驗, 例如過去一年做左千幾單定八百幾單 (forgot...) 又喺度講點解星期日都收到佢電話, 因為淨係呢幾日婚展, 佢已經收到七十幾個enquiries...so 要返公司做野... 嗯, 好似真係好忙咁~ 有點心動, 覺得佢真係好似好有經驗、好識講嘢咁... 不過對我來說真係太貴了, 然後再諗, 覺得佢呢個講嘢嘅style 未必適合我地......太有自信了點 :P  會唔會搶左我個風頭架? 哈哈~ 不過佢好醒, 一估就估中我個場地, 仲俾左D好好嘅意見 :)
Frederick Tai 戴秉信律師
Email: ftai@munros.com.hk
FB: https://www.facebook.com/wedding.FT?ref=ts&fref=ts
感想: 好朋友個家姐啱啱搵左佢做證婚, 超好, 佢極力推薦, 話唔係一般證婚咁, 會加D 個人元素, 講下雙方點認識, 等等. 我好友聽到好感動, 喊到豬頭咁. 我問佢會唔會算太多嘢講架, 佢話唔會, 係啱先講唔係為講而講. 總之, 堅好咁喎~!
我send 左兩個email 俾佢+ FB msg 俾佢都收唔到回覆, 打俾佢, 佢把聲& tone 好聽+斯文+有禮貌, 佢好驚訝點解我收唔到佢嘅reply, 佢話已經覆左...原來佢果日要做個好好朋友嘅兄弟, 已經有幾個人問佢果日, 但都不能接...聽落佢真係幾唔好意思咁, 係有誠意嘅. 收線前佢再一次恭喜我, 我覺得佢真係唔錯~ 可惜, 可惜.......! >_<
所以唔好意思喇, 我唔知佢收幾錢呢

(待續......下次寫埋劉啟興律師和何廣榮律師~)

book 左大妗姐 ^^ 分享: 中式禮儀check list

今晚約左珍姐上左佢地上環OFFICE 度略略講下大日子流程+俾訂金
好開心呀 ^o^ , 呢樣係我地第一樣為大日子俾錢嘅item, 終於算係真正kick off 喇!
婚期前2-3 星期再搵大妗go through run down, 物資等, 即係仲有成年先再見佢喇~~~
佢好好人, 話有咩問題隨時打俾佢 or whatsapp 佢
叫我地可以拎張咭片返去俾父母睇, 有咩問題父母都可以隨時打俾佢
最後佢仲好大方送左大拿拿四張婚展入場卷俾我地呀!!


亦俾左我三張關於上頭呀, 過大禮, 嫁妝, 安床等嘅notes, 喺度upload 俾大家用下



諗返起, 最開心嘅係珍姐話我細佬妹都可以向我地斟茶 (唔使跪)!! 哈哈哈, 正呀, 我鍾意!!~~

後加: 唔好意思, 張相太細, 大家可以去我個相簿度睇:
http://wow.esdlife.com/space.php?uid=26439&do=album&id=31659

大妗姐講座

(sorry, 呢篇blog suppose 係喺上10/18 完成, 但呢幾日都忙+懶, 剛剛先寫晒 :P)

唔知有冇姊妹喺10/17 晚上都參加左<免費講座 - 羅勤芳婚嫁禮儀全攻略>呢? 不過唔算好多人去左
話說之前喺婚紗展度行過呢個攤位, 認識了呢間公司, 同其中一位大妗姐 珍姐 傾過計
其實我不嬲都鍾意呢d 中式傳統老土嘢 :p 裙褂呀、大妗姐、新郎著馬褂之類. 重口味如新娘坐轎, 兄弟拎 '迎親' 牌之類, 我都好ok ga, 哈哈哈 ^o^
果日喺婚展同珍姐好簡短咁講過兩句, 交換email 聯絡, 覺得同佢講野好舒服, 佢好好口才, 個樣一臉福相、大妗相, 好想幫襯佢
返到佢問佢地拎價錢表啦, 嘩, 都幾貴架喎. 但冇格過價唔知算係幾貴. 後來問埋心之婚禮嘅大妗服務價錢表, 差唔多平成半呀...呢一刻就知呢間野真係貴野
本來唔打算join 架喇, 加上問左photog, 佢話佢個partner photog 好識講好意頭說話, 叫我地唔使搵大妗姐喎
咁我好開心啦, 可以慳返筆嘛
間公司send 左email 黎話有呢個講座, 預左係sell 佢地服務ga la, 但呀master 覺得聽下無妨, so 去下啦.
個talk 唔算多人聽, 我諗有10幾廿個聽眾啩. 妗姐個個著晒喜慶唐裝, 一字排開, 晒馬!
我靜雞雞問身邊嘅master (佢逼我喺blog 度要咁叫佢 /_\), 邊度有得買呢d 衫....好靚呀... XDDD 佢當然答我唔到啦
個talk 嘅內容冇乜特別, 都係介紹下香港呢個中西文化交融嘅地方, 婚禮習俗通常會有啲咩~ 如果係資深嘅wow友睇得blog 多, 好多嘢都知道晒架喇~ 係志在同大妗姐傾多句計諗下係咪真係用佢
個talk 完左後我地搵珍姐傾多兩句, 問左佢好多不同嘅問題, 表達自己嘅concern, 例如,
- 我冇搵師父擇日, 你識唔識得幫我揭下通勝睇下果日有冇咩問題呀 --> 冇問題. 仲可以幫手睇埋過大禮日子. 如果真係有相撞都唔使太擔心, 佢都會有化解嘅方法 (呢樣最緊要, 我揀果日其實有少少問題, 我想做d 野令自己心安) 佢識揭下通勝同埋睇下我地d 面相咁
- 兩家親戚唔多, 請大妗會唔會唔知有咩用呢 --> 就係少親戚先更加要請大妗呀, 場面冇咁冷清 (haha, 都係sell, 不過我接受, 因為我都真係有d 驚冷清)
- 酒店出門, 即日回門, 流程上夾唔夾到, 點做呢 --> 冇問題, 好多客都係咁, 可以根據我地情況作出安排. 詳情稍後再定
- 有些親戚要講普通話, 真係要加錢嗎? --> 講左一輪唔記得乜野, 總之唔使加
- 即日回門, 真係要加錢嗎? --> 又係講左一輪唔記得乜野, 總之我get 到嘅係, 成個早上+中午預左俾我, 如果唔係太大型嘅回門/ 長時間, 唔使加錢.
我覺得請大妗有樣好就係成個朝早都好似有個主持人咁幫你打點事情, 除左時間, 流程, 佢仲會幫你同攝影師夾點同親戚影相. 但當然好多攝影師已經駕輕就熟, 做埋半個大妗. 我就覺得有埋大妗會再熱鬧d, 令到大家好開心~~~ ^^ 同埋身邊冇朋友試過咁做, 覺得好得意 ^^

經過仔細考慮, 我同master 都覺得真係想請佢, so 剛剛打左電話約佢下星期上佢公司傾嘢+confirm, 要落50% 訂. 好開心呀, 如果落實, 就會係我同master 喺求婚後第一樣為我地嘅大日子俾錢嘅item喇~~~ ^3^

佢地嘅網址for 大家參考下: www.chinesewedding.com.hk

site visit again; 尋日是結婚好日?

之前喺9/29 去左site visit 心水場地, 睇real wedding.
唔知點解, 見到個場冇令我'叮' 一聲嘅感覺,
心裏面有幾樣野令我hesitate:
1) 地毯有點殘舊
2) 戶外平台有幾個bbq 爐 (有帆布蓋住) 唔能夠搬走, 有少少雜物feel
3) 最重要是, 個mgr 話下年要加價5-15%...而個新menu price 仲未ready ~_~
呢個pt 令我大失預算, 因為佢之前完全冇hint 過......
當佢加10%, 最平個menu 都好貴了 T_T, (註: 它是私人會所) 我心諗, 加多少少錢就可以擺酒店喇......咁, 我仲應唔應該喺度擺, 點解唔搵酒店呀??? 好煩惱呀!! 搞得我呢幾日喺度不斷翻搵酒店資料、價錢, 計下如果真係喺酒店擺會爭幾多. 結果係, 仲係爭好多, 哈哈哈.

site visit 過後, 個心七上八落, 好似成個搵場過程要重頭再來咁, 真係好苦惱 /_\. 問bf 佢又俾唔到咩野意見, 佢話邊度都好, 我鍾意點就點 (講係咁講, 都有 budget limit 架)
所以我決定搵媽咪一齊去睇多次個場地, 今次搵個夜晚去, 睇下夜晚會係咩氣氛 (上次係黃昏, 仲係好光).

結 果同上次好唔同~~~ 雖然個場冇開, 但都可以偷睇到入面 :p, 亦都好清楚睇到個戶外平台. 夜晚氣氛真係好好多呀, 好舒服, 可能暗左啩 hehee~ 點都好啦, 媽咪同我都好喜歡, 佢話已經想像到果日佈置下, 效果一定會好好. 之後仲佢visit 多幾個尖沙咀嘅場, overall 佢都係最鍾意我揀呢個. 我個心當堂定晒!!! ^o^

媽咪同我都好開心. 我就開心終於可以confirm 場地, 日子, 可以proceed 其他items; 媽咪就開心我帶佢去睇場, 聽佢意見. 佢話呢d 係喜慶事, 好鍾意可以有份參與, 我都覺得咁好好呀, 係另一種嘅親子活動~~~ :D

講起睇場, 唔知尋日係10月9日係咪結婚好日呢? 我地行左4-5 個場, 全部都有婚宴進行中!!
美麗華嘅翠亨邨、潮廷匯
Holiday Inn 嘅三個ballrooms
Sheraton 嘅天寶閣
同埋文化中心嘅映月樓, 兩層都有!
我真係好surprised 平日星期二有咁多新人擺酒呀....係咪我大鄉里呢?

而家算係扑鎚落實場地, 等我遲d 回饋社會, post 下最近搵到嘅唔同場地嘅資料啦!

教堂觀禮後感, 自己big day cocktail

今日同BF去左一位舊同事喺中環教堂舉行的婚禮,
因為不算是太熟, 所以我地只係去觀禮而不會去晚宴.
之前去過幾次教堂儀式, 所以大致知道程序和氣氛如何, 都是神聖莊嚴的
見到一對新人恩愛, 講感想, 雖不熟但都感動得想流淚...

不過今日有些感受, 令我更加confirm 自己big day 的安排.
Ceremony 到最後當然是大合照, 新人安排好了每組親友的次序拍照. 其實我和新娘好耐冇見, 如果有機會真係想講多兩句. 我地影完相後, 講幾句恭喜, 就快快讓路俾下group 影了. 之後因為冇咩野好做, 所以大家一齊離開lu~ 諗返起, 好覺得好似坐喺度咁耐就係為左影果張相作個紀念咁......

當然我明白, 新人肯定在大日子好忙啦, 要同不同親友影相, 趕run down. 我絕對體諒, 只是有少少可惜only~ 不過, 就係因為咁, 令我更加肯定想自己當日big day 係點....想和親友可以interact 多D, 傾多D計, maybe 喺唔同地方俾佢地知道我地係點籌備, 甚麼安排有甚麼特別意思, 等等, 讓大家若果有興趣的話可以involve 多D, 融入其中.

我地一直打算在當日安排兩個sessions, 下午5點左右 ceremony (exact 時間再定) + cocktail 茶會形式, 主要是想邀請一些不算是最熟的朋友參與, so that 不用留他們整個晚上在晚宴俾人情, 我地又不用擺咁多圍, 留喺度食飯的都是最close 感覺溫馨d, 咁樣對雙方都好. 另外也想藉此請一些單獨一兩個的朋友, 這些朋友都是好友, 但可能只是和他/ 她一個人friend, 而不是一group friend, 如果請佢地來晚宴, 佢地要自己來, 冇人陪, 肯定悶到發霉......俾著係我我都唔想去, 所以都唔想朋友咁樣成晚.

當然, ceremony session 最重要最重要的意義, 是想有身邊最close 的親友作我倆的見證啦 ♥

喺 儀式後, 我地打算安排些酒水+小食給賓客, so that 佢地可以留喺度自己chit chat下, 我地又可以走來走去同佢地chat 下, 影下相, 唔使話禮成就即刻可以走人. 之前參加有兩三個婚禮都係咁搞, 我地好enjoy, 覺得even 要使多少少都好樂意呀~ :)
所以我地一直喺搵場地嘅過程中都好著重場地俾唔俾到我地做呢樣野...錢方面點計, 幾點交場, etc. 好在心目中幾個候選場地都好well prepare for 呢D cocktail session, 冇問題~ ^^

出咭買金飾儲miles

又好耐冇update tim, 勁懶 :P

因為QE3 的關係, 我地打算提早買金飾
銀碼比較大, 所以決定早d 申請張 CX AE card 嚟找數, 勁儲miles!
http://www.americanexpress.com/hk/cn/campaigns/flyfaster/home/?sourcecode=APF140CX92&cpid=100008234

(呢個優惠係for "尊尚信用卡", 另外仲有一款普通 CX AE card, 優惠少d 的)

如無意外, 即刻可以拎到 1000 (online application) + 1000 (附屬卡2張) + 8000 (迎新簽賬夠8千蚊) = 10000 miles 先!

有d 人會專登開呢張咭 or DBS 黑咭 or 其他信用咭來找酒席數, 銀碼再大d, 可以儲更多. 不過我嘅心水場地唔可簽咭 (勁蝕 T_T), 所以趁而家出張咭, 儲下miles for 換機票去honeymoon~~~ 希望做到啦! (雖然未定想去邊 :P)