初步進度 - 擇日

距離驚喜的求婚話咁快已經過左兩個禮拜,
而我地喺呢兩個禮拜內都算有少少初步嘅進展嘅......
睇左咁耐關於結婚嘅野, 知道其實最大items 主要都係果幾樣:

1. 擇日子
2. 婚宴場地
3. big day photographer
4. MUA

當然仲有其他幾樣野好重要, say pre-wedding & gowns. 不過呢兩樣冇咁on priority, 因為呢幾樣野有時間的逼切性. 如果自己嘅心水喺大日子唔available 的話, 咁就麻煩了, 唔係話有第二條裙/ 第二個日子可以取代.

擇日
我係一個有少少迷信的女人仔 (哈). 會去工聯會上手相面相風水堂嘅人~~
一直以來都諗住搵人擇日, 求個心安. 反而家人卻從不要求咁樣 (!)
喺工聯會的班上跟左個好好, 我很buy 的老師
因為佢真係幾好的關係, feel 到佢出面其實生意都唔憂做架喇
即管問下佢幫人擇日收幾錢啦... 結果完全超出預算 - $1800
係咪我姑寒呢...我本身預1千架咋, 最多...千二啦. 佢收千八真係好貴呀 T_T
我思前想後, 決定都係自己黎喇, 無理由學左咁多野唔試下應用出來 (雖然nth related to 擇日...但我當一脈相承相通架喇, hahaha)
拿拿臨搵晚放工走去買左本通勝, 晚上就打開來study 喇
我未睇過通勝架...好得意呀, 嘩哈哈, 睇左好多前面既野, 都唔關事既, 擇日喺最後~~
拎住本通勝, 一路睇下面個link 教人點揀日子
如何看通勝選取吉日: http://www.wed853.com/show.aspx?id=1024&cid=303
睇下睇下覺得自己擇都ok wor......不過仲係心大心細... bf 驚我日後後悔, so 支持我搵老師擇, 不過我好想錫住大家銀包, 唔想第一個item 就out bud 呀 >_<
bf 唔信呢d 野, 好搞笑咁send 好多咩 <日日係好日> 嘅歌詞俾我 (係阿B 鍾哥哥唱架 =.=) 咁啱又睇到有人sharing 話, 與其擇個好日, 不如做好自己
諗 諗下都覺得啱...... 總之果個唔係破日衰日, 冇相沖, 就OK 啦...  日後的幸福不會只建基喺揀邊日結婚度嘅!! (同埋我好想慳筆錢出來擺喺另一個新嘅item 到...本身冇budget 度....嘻嘻... 保密住先 until confirmed :p)

最後同心水場地check 埋佢地嘅期, 得出兩個options:

• 13年11月10日 (sun)
• 13年12月7日 (sat)

心大心細, 而家問緊家人&朋友嘅意見, 不過好可能 go for the first option~~
好心急呀~ 好想快d confirm 日子咁就可以book 其他野嘛!! 希望呢兩日有定案啦! :)

另一樣可以share 多d 的是場地... 請留意下一篇~~ (不過唔知幾時有時間update~ :p)